یاسر اللہ شہید برنس چترال 


 آزاد نظم،،،،

امی بچالو نا!۔۔۔۔۔۔۔

میں جب شرارت سے

کبھی بچوں سے لڑتا تھا،

جھگڑتا تھا،

تو اکثر ڈیڈ سے 

پڑتی جو ڈانٹ تو،،

مری امی بچالیتی،

مجھے اکثر،

مجھے گلے لگا لیتی،

کبھی بچہ بڑا مجھ سے،

مجھے تھپڑ جو مارے بھی

بڑے آکر بچالیتے

مجھے اکثر،

مگر اب جو 

کوئی آکے

مرے سر پر

چلائی ہے ،،یہ گولی تو

پڑا ہوں میں

فرش پر اب،

تڑپتا ہوں ،،،سسکتا ہوں،،

کہاں ہیں اب؟ بڑے میرے

بچالو اب،،، مجھے ان سے

مری امی!!! کہاں ہے تو؟

بچالو! ظالموں سے،،

اب مجھے،،

امی مرے

پاپا کو اب،

بھیجو ذرا

آ کے مجھے 

ان سے بچا۔۔۔۔۔۔۔۔۔۔۔۔۔۔

سانحہ پشاور میں شہید ہونے والے بچوں کی فریاد۔۔۔


خسرو